A Whauwhau
Nau mai, haere mai
takatāTēnā koe, Tēnā koe, Tēnā rā koe e te manu tioriori o Ngāti Haua, kua tau mai nei ki te rākau nei, ki te Wikipedia Māori. He mihi atu tēnei i runga i ngā āhuatanga o te wā, i runga hoki i te mōhio e mihi tonu ana tōku nei maunga a Te Aroha ki ngā tini o Waikato, ki ngā whanaunga, ki te hunga i noho tahi mai i runga i tērā o ngā waka o ō tāua tūpuna, i a Tainui, i te waka whakawhiti-moana. He mihi hoki ki te Arikinui, ki a Te Atairangikaahu e noho rā i runga i te ahurewa tapu o ōna tūpuna, ki tōna hoa rangatira a Whatumoana hoki, i ēnei rā whakahirahira mō tātou, mō ngā iwi whakanui i te Kīngitanga, mō ngā iwi tautoko i ngā tikanga i whakatūria ai e Wiremu Tamehana. Nō reira e te rangatira, nau mai rā, tau mai rā, ā, koia nei te tumanako, kia mahi tahi nei tātou ki te whakarangatira i tō tātou nei taonga, i te Wikipedia Māori. Nō reira e te rangatira, he mihi nāku, nā Kahuroa 05:21, 19 Haratua 2006 (UTC)
Kia ora, ko koe te mātāmuri o ngā kaimahi kua rēhita e 153!
Nau mai, haere mai!
takatāUea ki a Ranginui e tū iho nei, Uea ki a Papatuanuku e takoto ake nei. Uhi! wero! haramai te toki! Haumi e! hui e! Tāiki e!
Tēnā koe A Whauwhau!
Nau mai, haere mai, whakatau mai ki te Wikipedia Māori! Tēnei te tuku atu nei i tā tātou mātāpunenga kia tirotirohia e te katoa. Kei konei ia - ōna piki, me ōna heke, ōna tika me ōna hē - hei tango mā te tangata. Kia ora rawa atu koe mō āu mahi i konei. Ko te tumanako, ka pai ki a koe tēnei paetukutuku. Tēnā koa, tirohia ngā tikanga o tēnei Wikipedia me ngā whakamārama mō te mahi whakatika. He whakamārama atu anō ki Hau Kāinga, ki Tomokanga hapori. Hei tuku mai i ōu pātai, ōu whakaaro rānei, haere ki Kōrero.
He maramara atu anō
- Tēnā koa, hainatia āu mahi i runga i ngā whārangi kōrerorero ki ngā tohu ngaru e whā, kia pēnei: (~~~~); kia puta mārama ai tō ingoa, me te rā i tuhituhi ai koe.
- Hei wāhi parakitihi i ngā mahi whakatika, haere ki te Papa tākaro.
He whakamārama anō ki te Wikipedia Reo Pākehā
- Mō ngā tino tikanga a te Wikipedia (he reo Pākehā), titiro ki The Five Pillars of Wikipedia, ki What Wikipedia is not hoki.
Nō reira, kia kaha, kia māia, kia manawanui!
Robin Patterson 06:50, 19 Haratua 2006 (UTC)
Tūmanako
takatāNō te mea kua tae ngā tuhipānui ki te 600, ko te tūmanako kia tae mai ngā tāngata matatau ki te reo Māori o Aotearoa nei, mā tātou e whakapai te mātāpunenga nei i runga i ngā tikanga whakapai, kia tupu ake hei rākau whakaruruhau, hei Tōtara, hei Kauri rānei i te wao-nui-a-Tāne. Tēnā, whakaputaina ō whakaaro ki Wikipedia:Kōrero. Nō reira, tēnā tātou katoa Kahuroa 04:57, 13 Poutū-te-rangi 2007 (UTC)