Raukawa (rākau)

Ko te Raukawa he rākau whakaruruhau o Aotearoa. He kakara ngā rau o tēnei rākau. Kua mata te Raukawa, kua nihoniho, kua tawheratoru ngā rau. Me he rākau pakari, he toitū he tawherarua kē ngā rau. I te wā i haere ai a Māhina-a-rangi, wahine a Tūrongo, ki Waikato, ka tae mai ki kō tata mai o Tīrau, ka whakamamae a Māhina-a-rangi. He puia i taua wāhi, ā, ka noho ia i reira whānau ai. Ka whānau tana tamaiti, he tāne, ka tapā e ia te ingoa ko Raukawa, hei whakamaharatanga ki te hinu raukawa i whakawahia rā e ia ki a ia i a rāua ko Tūrongo e whakawhaiaipo ana. Ko te waiariki i kaukau ai ia I te wāhi i whānau ai ia ka tapā te ingoa ko Te Wai-takahanga-a-Māhina-a-rangi, ā, koirā anō te ingoa inaianei. Ko te ingoa pūtaiao he Raukaua edgerleyi.

Raukawa
Scientific classification
Mātāmuatanga:	Plantae
Wehewehenga:	Magnoliophyta
Pūtoi:	Magnoliopsida
Pūtoi:	Apiales
Whānau:	Araliaceae
Puninga:	Raukaua
Momo:	R. edgerleyi
Binomial name
Raukaua edgerleyi
Synonyms
Pseudopanax edgerleyi

Hoto ki waho

• "Raukaua edgerleyi". New Zealand Plant Conservation Network. Retrieved 2007.07.02. {{cite web}}: Check date values in: |accessdate= (help)

Tohutoro

• Metcalf, Laurie, 2002. A Photographic Guide to Trees of New Zealand. Tāmaki-makau-rau: New Holland.
• Salmon, J.T., 1986. The Native Trees of New Zealand. Te Whanga-nui-a-Tara: Heinneman Reed.