Māhuhu-ki-te-rangi

Ko Māhuhu-ki-te-rangi te waka o Ngāti Whātua. E ai ki ā rātou kōrero i ū mai te waka nei ki Te Tai-rāwhiti, ka hōpara ki ngā takiwā o Whangaroa, o Tākou me Whangaruru. Ka toro atu rātou ki te tai tonga, i mua i te hokinga ki Pārengarenga. Whai muri, ka heke te waka i te tai-hauāuru. E ai ki te kōrero o Te Roroa ka ū te waka ki konei, ki Kawerua. Kei ētahi atu, ka ū te waka nei ki te moutere o Tāporapora, ki te kūrae o Kaipara, i mua i te hokinga ki te raki ki te whanga o Rangaunu.

TohutoroEdit

  • Rāwiri Taonui, 'Ngā waka tere moana', Te Ara - the Encyclopedia of New Zealand, mātapuna: Ngā waka tere moana