Kōhanga Reo

Ko te Kohanga reo he wāhi hei whakaako i te reo ki ngā tamariki mokopuna o Aotearoa. Ko te kōhanga, he wāhi mō ngā manu hei tiaki hei poipoi i ā rātou pī. Nō reira mai rā te ariā o te 'kōhanga reo', he wāhi hei tiaki hei poipoi hei manaaki i ngā tamariki ki te ako i te reo Māori. Nō reira, ko te kōhanga reo he wāhi kura rūmakitanga e whoatu ana ngā tohutohu katoa ki ngō tamariki i roto i te reo Māori anake.

I whakapūmautia ngā kōhanga i te tau 1982 i Aotearoa nei, i taua wā he mataku wehi kei ngaro atu rā te reo Māori. Nō te taenga o te pūmanawa kōhanga i whakatūria hoki ngā kura tuatahi me ngā kura tuarua ki te whai i te whāinga o te kōhanga reo - arā, kia waihangatia he wāhi hei whāngai ki ngā tamariki i te reo Māori, ko te reo taketake o Aotearoa nei. He kōhanga reo anō hoki i ētahi atu reo o te Moana-nui-a-Kiwa, he tauira ko te reo o Rarotonga, me te Reo Hāmoa me te reo Tonga i Aotearoa nei.

Kua tangohia te ariā o te kōhanga reo e ētahi atu whenua. Ko tētahi tauira rongonui ko te pūmanawa punana leo i Hawai'i, he mea whakatū hei tautoko i te whakaoranga o te Reo Hawai'i.

Hoto ki waho

• Paetukutuku matua o te Kōhanga Reo National Trust