Aoraki
Ko Aoraki te maunga teitei rawa o Ngā Puke-māeroero, te tino pae maunga kei te Te Wai-pounamu. E 3724 mita te teitei. Ki tō ngā iwi o Te Ika-a-Māui whakahua ko Aorangi kē; ki te Pākehā, ko Mount Cook te ingoa.
- Kia tuohu koe,
- Me he mauka teitei,
- Ko Aoraki anake.
He tupuna kē a Aoraki
takatāI ngā wā o mua, i pōhēhē ētahi mō te aronga o te ingoa o tēnei maunga rangatira. I pōhēhē rātou ‘ko te maunga e titi ana ki ngā rangi’. Heoi, e ai ki ngā tohunga whakapapa o Kāi Tahu, he tangata kē a Aoraki, he tino tupuna nō rātou, kei Hawaiki e noho ana. Tērā te wā e hoe ana a Aoraki me ana teina, tuākana i Te Moananui-a-Kiwa; ka tūpoki tō rātou waka. I te tahuritanga o te waka, ka piki a Aoraki ki te takere. Tērā tētahi ingoa tawhito mō Te Wai Pounamu, ko te Waka o Aoraki. Ka tae ki te wā ka hiahia rātou ki te hoki ki Hawaiki, engari, kua kore e taea e Aoraki te whakahua i te karakia tika kia hoki rātou. Nā wai rā, kua huri tō rātou waka ki Te Wai-pounamu, kua huri hoki ngā kaihoe hei maunga. Nā te mea ko Aorangi te rangatira koia te maunga teitei rawa atu, a, ko ōna hoa ērā kei tōna taha.
Tohutoro
takatā- Te Maire Tau. 'Ngāi Tahu', Te Ara - the Encyclopedia of New Zealand. Tuhinga: 26-09-2006. URL: Te Ara: NgaiTahu
 | He maramara noa iho tēnei tuhipānui. Tirohia ngā tikanga whakapai mō tēnei paetukutuku reo Māori. Māu pea e tāpiri ētahi kōrero kia tāroa ake? |
