Turakina Maori Girls College

Ko Turakina Māori Girls College he kura tuarua mō ngā kōtiro Māori ki Marton, ki te hauāuru o Te Ika-a-Māui, Aotearoa.

Ko Turakina Māori Girls’ College he kura o te Hāhi Perehipitiriana. Nā te Hāhi Perehipitiriana o Aotearoa i hoko tētehi o ngā whare tawhito o Turakina mō te kura hou. I whakatūria tēnei kura e te Minita, H.J. Fletcher, mō ngā kōhine Māori i te tau 1905, ā, nā te Pirimia, R.J. Seddon i huakina. Toru tekau noa iho ngā tauira i tīmata ai i te tau tuatahi, ā, ka noho a A.G. Hamilton hei tumuaki me tana hoa wahine hei kaiwhakahaere ō te whare noho. I tapaina te kāreti ki te taone iti ō Turakina, ā, i noho ai te kura ki reira tae atu ki te tau 1928. Ko te pūtake o te kura kia whakaako atu ki ngā kōhine Māori i ngā mahi a te kāinga, te matauranga hākirikiri me te whakapono Karaitiana.

Nā te tawhito o te whare ki Turakina, ā, nā te ngaringari hoki a nga tauira i haere ana ki te kāreti, ka hūnuku ai te kura ki te taone o Marton i te tau 1928. I konā tētehi whare pai ake hei nohonga mō te kura. Ko tētehi o ngā mea pai o te taone o Marton ko te rerewe o Marton Junction, kia taea ai e ngā tauira te haere mā runga tereina ki te kura mai i o rātou kāinga huri noa i te motu.

Tae atu noa ki te tau 1980, i noho a Turakina Māori Girls’ College hei kāreti umanga ake. I te 26 Whiringa-a-Rangi 1980, i whakakotahi te kura ki raro i te maru o te Kāwanatanga. Ahakoa tēnei, i mau pūmau tonu te kura ki ōna uaratanga; arā ko te Mana Māori, Mana Wairua, Mana Wahine me te Mana Mātauranga. Ko Turakina Ngā Hara te pepeha o te kāreti.

E whā ngā whare mō ngā tauira. Ko Manawa (whero), ko Rangiora (kahurangi), ko Kōwhai (kōwhai) me Taupata(kākāriki).

Nā reira me mutu noa iho ēnei kōrero i konei. Ko te mea nui, kua kite tātou i te tupunga ake o te kāreti kōhine Māori a Turakina mai i tētehi kura hei wāhi ako mō ngā mahi o te kāinga anake, ki tētehi kura e whakananaotia ana i ngā wahine toa.

Hoto ki waho

• Paetukutuku o te kāreti (reo Pākehā)

• Matthews, N. (2005). He kura Māori, he kura hāhi. World Indigenous Peoples Conference on Education, 27 Nov - 1 Dec 2005. Hamilton, New Zealand.
• New Zealand Department of Education (1980). Turakina Māori girls’ college integration agreement. Wellington, New Zealand.
• Turakina Māori Girls’ College (1984). Turakina Māori girls’ college. Marton, New Zealand: the college, Turakina, New Zealand.
• Turakina Māori Girls’ College. (2009). Historical background. Retrieved March 12, 2009, from https://web.archive.org/web/20100524091926/http://tmgc.school.nz/history.html
• Wilson, M.W. (1952). Turakina, the story of a country parish 1852-1952. Christchurch, New Zealand: Presbyterian Bookroom.